Franski umhvørvisráðharri fegnast um, at Paul Watson nú er leyslatin

Franski umhvørvisráðharri fegnast um, at Paul Watson nú er leyslatin
- Áh tann lætti, skrivar franski umhvørvisráðharrin, og ynskir samstundis Watson góða ferð heim til Fraklands, har hann býr saman við familjuni.
Paul Watson hevur nú vent grønlendska fongslinum Anstalten bakið og kann venda snútan heimaftur til Fraklands, har hann býr
Mynd: Alataq Møller/Ritzau Scanpix  
 
17.12.2024 - 14:57

Í Fraklandi fegnast tey um, at umhvørvisaktivisturin, Paul Watson, er latin leysur í Grønlandi.

Franski umhvørvismálaráðharrin, Agnés Pannier-Runacher, hevur gjørt viðmerkingar til leyslatingina á sosiala miðlinum, X.

- Áh tann lætti, skrivar hon og ynskir samstundis Watson góða ferð heim til Fraklands, har hann býr saman við familjuni.

 

Paul Watson varð handtikin í Nuuk 21. juli í ár, tí Japan vildi hava hann handtiknan og settan fyri rættin fyri eina hending við Antarktis í 2010, har skip og manning hjá Watson royndu at steðga japanskari hvalaveiðu. 

 

Handtøkan av Paul Watson hendi eftir eitt tipp frá løgregluni í Føroyum, sum í fleiri ár hevur ligið í stríði við umhvørvisatgerðarmannin, sum hevur roynt at steðga lógliga grindadrápinum.  

 

Paul Watson var á veg til Japan við skipinum John Paul DeJoira at leggja seg út í hvalaveiðuna, nú Japan hevur sjósett nýtt skip til endamálið.

 

Seinastu fimm mánaðirnar hevur Watson sitið varðfongslaður í Grønlandi, men í morgun varð hann so leyslatin.

Er kopiera
Nýggjastu sendingar í ÚV
Fríggjadag 14. februar
Breddin: Trump aftur í Hvítu húsunum
187774
Fríggjadag 14. februar
Morgunlestur fríggjadagur 14.februar 2025
186669
Hósdag 13. februar
RagnarRokk 13.februar 2025
186373
Hósdag 13. februar
Carl Berglund um Echoes
186371
Nýggjastu sendingar í SV
Fríggjadag 14. februar
Dagur og vika - teknmálstulkað
187762
Mikudag 12. februar
Merkja grind
187663
Týsdag 11. februar
Veðrið
187639
Týsdag 11. februar
Dagur og vika við 3-2 - teknmálstulkað
187616
Sunnudag 9. februar
Guðstænasta úr kirkjuni á Leiti
187534