Mál um barnaporno útsett

Eitt sakarmál um at deila pornografiskt tilfar av børnum, sum Føroya rættur skuldi viðgera í dag, er útsett.

Ætlanin var at avgreiða málið sum játtanarmál.

Men á rættarfundinum í morgun segði maðurin, at hann játtar ikki.

Tí skal ákæruvaldið nú skriva ákærurit.

Maðurin hevur verið í varðhaldi síðani 24. september.

Varðhaldsfongslingin var longd eina viku í dag.

Talan er um eitt NCMEC-mál.

Tað byrjaði við, at politiið í Føroyum fekk boð frá felagskapinum National Center for Missing & Exploited Children (NCMEC) í USA um, at tilfar, sum kann vera ólógligt, er deilt á internetinum. 

Endamálið hjá NCMEC er millum annað at fyribyrgja, at børn vera kynsliga misnýtt á netinum.