Norðurmakedónia - Føroyar: Hallur byrjar á miðvøllinum

Eftir nærum hálvt triðja ár skal liðskiparin, Hallur Hansson, aftur tørna út fyri føroyska fótbóltslandsliðið.

Miðvallarin hevur havt álvarssaman knæskaða, men hevur spælt meir og meir síðan í summar, og byrjar inni í Nations League-dystinum ímóti Norðurmakedónia.

Fleiri aðrar broytingar eru í byrjanaruppstillingini. Bárður á Reynatrøð avloysir Teir Matras Gestsson í málinum, meðan Jann Benjaminsen spælir høgri vongverji fyri Jóannes Kalsø Danielsen.

Hanus Sørensen, Meinhard Olsen og Hallur Hansson koma inn á miðjuna fyri Jóannes Bjartalíð, René Shaki Joensen og Adrian Justinussen, og í álopinum avloysir Petur Knudsen Páll Klettskarð.

Føroyar: Bárður á Reynatrøð; Viljormur Davidsen, Andrias Edmunsson, Odmar Færø, Gunnar Vatnhamar, Jóannes Kalsø Danielsen; Meinhard Olsen, Hallur Hansson, Brandur Hendriksson Olsen, Hanus Sørensen; Petur Knudsen