Biðja fólk fara úr Libanon

Biðja fólk fara úr Libanon
Støðan er sera spent og kann broytast til tað verra upp á stutta tíð, verður sagt
Roykur sæst úr Kfar Kila, nú bardagar eru millum Hezbollah og ísraelska herin í Libanon. Myndin er tikin úr Marjayoun, nær við markið til Ísrael.
Mynd: Karamallah Daher/Reuters/Ritzau Scanpix  
 
03.08.2024 - 16:26

Sambært norska kringvarpinum hava bæði USA og Stórabretland biðið sínar ríkisborgarar fara úr Libanon sum skjótast.

Londini óttast, at stríðið millum Ísrael og Hezbollah fer at enda í kríggi.

Amerikanskir ríkisborgarar eru bidnir um at fara við fyrsta flogfarinum úr Libanon. 

Bretski uttanríkisráðharrin, David Lammy, metir, at støðan kann broytast heilt skjótt, og biður tí allar bretar um at fara burtur haðani beinanvegin.

Sviar hava gjørt av at steingja svensku sendistovuna í Libanon av ótryggu støðuni.

- Starvsfólk á sendistovuni eru biðin um at fara úr Beirut til Kypros. Uttanríkisráðið hevur ætlanir um at flyta sendistovuna fyribils, sigur Tobias Billström, svenskur uttanríkisráðharri, við svenska TV4.
Norska uttanríkisráðið sigur, at ætlanir eru um at tryggja sendistovuna, um trygdarstøðan møguliga versnar, sigur Mathias Rongved, pressuvakt fyri uttanríkisráðið.

- Vit hava í longri tíð rátt norskum ríkisborgarum til at fara úr Libanon. Um flogvøllurin í Beirut steingir, verður tað sera krevjandi at sleppa úr landinum. Um tað gerst støðan, verður tað sera torført hjá norska uttanríkisráðnum at veita norskum ríkisborgarum hjálp, sigur hann.
 

Er kopiera
Nýggjastu sendingar í ÚV
Fríggjadag 14. februar
Breddin: Trump aftur í Hvítu húsunum
187774
Fríggjadag 14. februar
Morgunlestur fríggjadagur 14.februar 2025
186669
Hósdag 13. februar
RagnarRokk 13.februar 2025
186373
Hósdag 13. februar
Carl Berglund um Echoes
186371
Nýggjastu sendingar í SV
Fríggjadag 14. februar
Dagur og vika - teknmálstulkað
187762
Mikudag 12. februar
Merkja grind
187663
Týsdag 11. februar
Veðrið
187639
Týsdag 11. februar
Dagur og vika við 3-2 - teknmálstulkað
187616
Sunnudag 9. februar
Guðstænasta úr kirkjuni á Leiti
187534