Ayatollah Ali Khamenei: Teheran hevur skyldu til at hevna drápið á Haniyeh

Ayatollah Ali Khamenei: Teheran hevur skyldu til at hevna drápið á Haniyeh
Iran finst hvassliga at atsóknini í Teheran í nátt, har Hamas-leiðarin Ismail Haniyeh var dripin
Mynd: Ritzau / Scanpix  
 
31.07.2024 - 11:42

Atsóknin var framd klokkan tvey í nátt, lokala tíð, bara fáar tímar eftir at Ismail Haniyea hevði verið við til hátíðarhaldið, tá nýggi iranski forsetin Masoud Pe'zesh'kian var tikin í eið. 

Pe'zesh'kian fordømir atsóknina og sigur við almennu miðlarnar í landinum, at Iran fer at fáa hesar yvirgangsmenn at angra teirra feigu drápsatsókn móti Haniyeh.

Eisini andaligi leiðarin í Iran, Ayatollah Ali Khamenei, fordømir atsóknina.

Ayatollah Ali Khamenei sigur, at Ísrael hevur skapt sær sjálvum eina harða revsing. Eisini sigur Khamenei, sambært Reuters, at Teheran hevur skyldu til at hevna drápið á Haniyeh. 

 

Katar fordømir eisini atsóknina

62 ára gamli Ismail Haniyeh var ovasti í politbyronum hjá Hamas. Hann hevur síðstu árini búð í Katar, og síðani 2018 hevur hann staðið á listanum hjá USA við yvirgangsfólki.

Uttanríkismálaráðið í Katar fordømir atsóknina móti Ismail Haniyeh. Talan er um eina vandamikla víðkan av stríðnum, ljóða boðini úr Katar.

Eisini Russland og Turkaland fordøma atsóknina.

 

Ein politisk atsókn

Russiska uttanríkismálaráðið skrivar, at drápið á Ismail Haniyeh er ein politisk atsókn, sum ikki kann góðtakast. Og fyrsta reaktiónin frá Turkalandi er, at landið fordømir atsóknina og sigur í sama viðfangi, at ísraelska stjórnin hjá Netanyahu hevur ongan vilja at skapa frið í økinum. 

Eingin hevur tikið ábyrgdina av drápinum, men hildið verður, at Ísrael stendur aftan fyri álopið. USA hevur boðað frá, at tey fara at verja Ísrael, um landið verður álopið.

Í gjárkvøldið boðaði Ísrael eisini frá, at ein av ovastu Hizbollah-leiðarunum, Fouad Shukur, var dripin í einum álopi í Beirut.

Er kopiera
Nýggjastu sendingar í ÚV
Fríggjadag 14. februar
Breddin: Trump aftur í Hvítu húsunum
187774
Fríggjadag 14. februar
Morgunlestur fríggjadagur 14.februar 2025
186669
Hósdag 13. februar
RagnarRokk 13.februar 2025
186373
Hósdag 13. februar
Carl Berglund um Echoes
186371
Nýggjastu sendingar í SV
Fríggjadag 14. februar
Dagur og vika - teknmálstulkað
187762
Mikudag 12. februar
Merkja grind
187663
Týsdag 11. februar
Veðrið
187639
Týsdag 11. februar
Dagur og vika við 3-2 - teknmálstulkað
187616
Sunnudag 9. februar
Guðstænasta úr kirkjuni á Leiti
187534