Sonni Ragnar aftur til FC Midtjylland

Føroyski landsliðsleikarin, Sonni Ragnar Nattestad, hevur spælt sín síðsta dyst fyri AC Horsens á hesum sinni.

Heimasíðan hjá felagnum skrivar, at leiguavtalan við FC Midtjylland er uppsøgd.

AC Horsens sigur, at tey hava verið nøgd við avrikini hjá føroyinginum, sum hevur spælt væl í verjuni.

Danska felagið kemur tó ikki við nakrari grundgeving á heimasíðuni fyri, hví leiguavtalan nú verður uppsøgd.

Venjarin hjá AC Horsens, Bo Henriksen, sigur við Horsens Folkeblad, at tað eru fleiri orsøkir til, at avtalan er uppsøgd.

- Tað eru fíggjarligar orsøkir, og so vilja vit eisini royna okkara egnu leikarar, sigur Bo Henriksen.

Áskoðararnir hjá AC Horsens atkvøddu á heimasíðuni hjá felagnum Sonna Ragnar til besta spælari í farna heysti.