Hetta verður trupult

<p>Tað er ikki nógv sum bendir á, at Føroyar skulu fáa stig í Pireus í Grikkalandi fríggjakvøldið.&nbsp;<span style="line-height: 1.6em;">Í veruleikanum talar alt ímóti tí.</span></p>

<p>Tað er púra vist, at Føroyar møta einum tendraðum liði, sum hevur alt at prógvað.</p>

<p>Grikkaland hevur higartil spælt tríggjar dystir í hesum bólkinum, og teir hava bara fingið eitt stig.</p>

<p><strong>Grikkaland - Rumenia 0-1</strong></p>

<p><strong>Finnland - Grikkaland 1-1</strong></p>

<p><strong>Grikkaland - Norðurírland 0-2</strong></p>

<p>Tí er setningurin hjá grikkum so greiður, sum hann kann verða. Teir skulu hava trý stig í Pireus, og gjarna vinna við nógvum málum, tí støðan í bólkinum er sum hon er.</p>

<p><strong">Støðan í Bólki E</strong"></p>

<table border="0" cellpadding="1" cellspacing="1" style="width: 200px;">
<tbody>
<tr>
<td>1. Norðurírland</td>
<td>9 stig</td>
</tr>
<tr>
<td>2. Rumenia</td>
<td>7 stig</td>
</tr>
<tr>
<td>3. Finnland</td>
<td>4 stig</td>
</tr>
<tr>
<td>4. Ungarn</td>
<td>4 stig</td>
</tr>
<tr>
<td>5. Grikkaland</td>
<td>1 stig</td>
</tr>
<tr>
<td>6. Føroyar</td>
<td>0 stig</td>
</tr>
</tbody>
</table>

<p><strong>Føroyar sjálvdan stig á útivølli</strong></p>

<p>Tað langt millum snapsirnar hjá føroyska landsliðnum, tá spælt verður á útivølli.</p>

<p>Fyri at finna tað síðsta stigið, er næstan neyðugt, at leita sær í søgubøkurnar.</p>

<p>Síðst tað eydnaðist at fáa stig á fremmandum grasi var í 2004, tá vit vitjaðu á Kýpros.</p>

<p>Tann dysturin endaði 2-2 við málum frá Claus Bech Jørgensen og Rógva Jacobsen.</p>

<p>Síðsti sigurin á útivølli er trettan ára gamal.</p>

<p>Hann kom, tá Føroyar vunnu 2-1 á Luksemburg í 2001 við málum frá Kurt Mørkøre og Christiani Høgna Jacobsen.</p>

<p><strong>Veddingarfyritøkurnar: Grikkaland er stórfavorittur</strong></p>

<p>Kenda veddingarfyritøkan Bet365 bjóðar eisini fólki at spæla upp á dystin millum Grikkaland og Føroyar.</p>

<p>Tað er einki at ivast í, hvør fyritøkan heldur er favorittur at vinna dystin.</p>

<p>Ein sigur til Grikkaland gevur pengarnar 1.14 ferðir aftur, javnleikur 6.50, meðan ein sigur til Føroyar gevur pengarnar 15 ferðir aftur.</p>

<p><strong>Spælt tvær ferðir móti Grikkalandi</strong></p>

<p>Føroyar vóru í bólki saman við Grikkalandi í EM-undankappingini til EM í Onglandi í 1996.</p>

<p>Føroyar taptu fyrra dystin í 1994 1-5 á Svangaskarði. Jan Allan Muller skeyt føroyska málið.</p>

<p>Útidysturin var á Kreta í 1995. Tann dystin vann Grikkaland 5-0.</p>

<p><strong>Seks ferðir stig á útviølli</strong></p>

<p>Føroyar hava tilsamans spælt 59 útidystir síðani byrjað varð at luttaka Í EM og HM undankappingum.</p>

<p>Føroyar hava síðani 1990 spælt tríggjar javnleikir, og tríggjar ferðir hevur eydnast at vinna á útivølli.</p>

<p>1991: Norðurírland - Føroyar 1-1 (Kári Reynheim)</p>

<p>1995: San Marino - Føroyar 1-3 (Todi Jónsson,3)</p>

<p>1997: Malta - Føroyar 1-2 (Øssur Hansen og Todi Jónsson)</p>

<p>1998: Litava - Føroyar 0-0</p>

<p>2001: Luksemburg - Føroyar 1-2 (Christian Høgni Jacobsen og Kurt Mørkøre)</p>

<p>2004: Kýpros - Føroyar 2-2 (Claus Bech Jørgensen og Rógvi Jacobsen</p>